Syair ini dibuat tanpa memperhitungkan estetika bahasa maupun nada. Saya menulisnya karena terinspirasi dengan kitab beraksara pegon berjudul Nadom Tauhid, yang beredar di masyarakat Sunda, terutama pesantren, berisi pujian dan kisah Nabi Muhammad Saw dalam bahasa Sunda. Biasanya dilantunkan saat jelang adzan Maghrib. Dari kitab itu, saya tergerak untuk bikin versi sendiri dengan merujuk pada data-data sejarah yang pernah dibaca. Mohon diberikan saran untuk perbaikan selanjutnya. Hatur nuhun…
Allahumma Shalli 'ala
Sayyidina Muhammadin
wa 'ala Aalihi wa ashabil muntajabin
Bismillah urang kawitan
medar tarikh na panutan
uswah na urang Islam
rohmat keur sadaya alam.
Nabi urang saréréa,
Kangjeng Nabi anu mulya,
Muhammad jenenganana,
Arab Kurés nya bangsana.
Ramana Gusti Abdullah,
Ibuna Siti Aminah,
dibabarkeunna di Makkah,
Ummul quro katelahna.
Robiul awal bulanna,
tangal tujuhwelasna,
taun gajah katelahna
sabab aya dongengna.
Parangina Kangjeng Nabi,
jatnika pinuh ku puji,
pinter tur gedé kawani,
sabar nyaah ka sasami.
Harita nuju alitna
dicandak Halimah Sadiyah
diasuh jeung dirawatan
sabab eta katangtosan
Rama Nabi kacaturkeun
pupusna kacarioskeun
basa Nabi dibobotkeun
dua sasih kaunggelkeun
Kagenep taun yuswana
ditilar pupus ibuna
Nabi dirorok eyangna
Abdul Mutalib asmana
Kersana Rabbul’alamin
Kangjeng Nabi nu prihatin
yuswa dalapan taun yakin
éyangna mulih ka batin
Sabada wafat éyangna
Nabi dirawat pamanna
Abu Thalib kakasihna
sadérék teges ramana
Kangjéng Nabi anu mulya
katelah na sidik amanah
fathonah jeung tableg
manusa ma'sum kasebatna
Pepentol agama harita
Nasrani, Yahudi, Majusi
Sadayana sasauran
Muhammad nabi ahir jaman
Nabi anu panganggeusan
risalahna dugi pungkasan
nyampurnakeun para Utusan
Muhammad Sayyidil mursalin
Karesepna Kangjeng Nabi
ka Gusti Allah ngabakti
di Gunung Hira maranti,
ibadahna saban wengi.
Di dinya jol kasumpingan,
Jibril nu nurunkeun Qur’an,
kalawan dawuh Pangéran,
Nabi didamel Utusan.
Harita yuswana Nabi,
patpuluh taun kawarti,
diutus ku Allah pasti,
ngémbarkeun agama suci.
urang Makkah Madinah
loba nu jadi umatna
kitu deui nu ngewana
Nabi mah sabar tumarima
Duapuluh tilu taun syiarna
Makkah Madinah sakurilingna
embarna jazirah Arab
ku manusa anu mulya
Geneppuluh tilu taunna
Yuswa dipundut ku Gustina
Bumi janten pajaratanna
Masjid Madinah munawaroh
Allahumma Sholli 'alaa
Sayyidina Muhammadin
wa 'ala Aalihi....
wa ashabil muntajabin
Ayeuna urang teraskeun
medaran washiyyun nabi
kangjeng Rasul Muhammad
shollalloohu 'alaihi wasallam.
Imam-imam nu ma'sum
Ahlulbaitin Nabiyurrohmah
Aranjeuna uswatun hasanah
panutan urang sadaya
Hayu urang ngawincik
anu kahiji Sayyid 'Ali
gelarna Abul masakin
putra paman Syekhul Batho
Sayyid Imamul muttaqin
Sayyid Amirul mu'minin
anu nyepeng wasiat nabi
katelahna babul ilmi
Siti Fathimah garwana
qurrota ainur Rosulillah
ramana Kangjeng Nabi
ibuna Khodijatul Kubro
Sayyid 'Ali jeung Fathimah
nikahna sasih rayagung
kapingna hiji dzulhijjah
taun na kadua hijrah
Para putrana putu Nabi
Al-Hasan Husain Zainab
hiji deui karuron
alatan jalma deuleuka
Imam anu kadua
Sayyid Hasan Mujtaba
nyangking wasiat 'Ali
ngaping syiahna 'Ali
Nyegah umatna pasea
nyaah asih ka sasama
panutan urang sadaya
mayunkeun ahlak mulya
Nyaah pisan ka umatna
lampahna nyegah palagan
syahidna sanes kupakarang
dibaruang garwa deuleuka
Imam anu katilu
Husain sayyidus syuhada
perlayana di Karbala
kapingna 10 Muharram
Taun genep hiji hijrah
ditandasa manusa dzolim
parentahna Raja Yazid
dumukna nagri Syam
teuleungeusna Bani Umayyah
merangan Ahlulbaitin Nabi
kullu yaumin Asyura
wa kullu ardhin Karbala
Imam Sajjad ka opatna
'Ali Zenal Abidin namina
katelahna ahli ibadah
zuhud jeung someah
kacatur waktos haji
soca batinna ningali
thowaf na sato sato
ngurilingan baitulloh
Imam Sajjad gura giru
ngejad muru ka juru
dituturkeun sohabatna
anu reuwas kabina-bina
Sohabat Imam misaur
naha mundur teu campur
teu guyub jeung batur
sanajan lain sadapur
Gancang Imam misaur
sanes kucatur kalam
ngusap beungeut sohabat
reuwas renjag ninggalna
Imam Baqir nu kalima
Sayyid Muhammad asmana
katelahna ilmin nabiyyin
luhung ku elmu pangarti
Anu ka genep na Jafar
Imam Shodiq gelarna
pepentol na ulama sunah
opat mazhab kocoranna
Abu Hanifah misaur
cilaka kuring cilaka
cilaka mun teu tepung
jeung Jafar nu luhung
Mibanda elmu agama
hikmah jeung falsafah
rea pisan muridna
dugi rebu jumlahna
Imam anu katujuh
Musa Kazim wastana
putra Shadiq anu zuhud
welas asih ka sasama
Ali Rido putra Musa
Imam ka dalapanna
pupusna di kota Mashad
anu tebih ti eyangna
Imam anu salapan
nyeta Muhammad Jawad
babarna sasih romadhon
kaping limawelas na
Imam sapuluh sawelas
Ali Hadi jeung Hasan Askari
Imam ka dua welasna
Muhammad Mahdi Muntazhor
Sadaya kalebet ma'sum
dijagi na lepat jeung dosa
diaping Allahu Rohman Rohim
keur tuladeun urang muslim
Allahumma Sholli 'alaa
Sayyidina Muhammadin
wa 'ala Aalihi....
wa ashabil muntajabin
Kabupaten Bandung
12/09/2020