Boboran Shiam
saban tepung boboran shiam
ngarakacak cimata
pipi kuring
baseuh disimbeuhan
cimata
ninggal
tatanggi mulih ka lembur
menta hampura ka kolotna
tur menta
du`a keur ngalakonan hirup sabada na
pipi kuring
baseuh disimbeuhan cimata
ngadangu
rerencangan mulih ka lembur
bari barangbawa mere kareseup na kolot
ngabagjakeun
nu dilemburna
asa nyeri, ieu hate sabab teu tiasa kawas batur
clak, cimata
ngalembereh maseuhan pipi
duh, biyang….
duh, bapa…
sanajan
lalaki kuring teu tiasa nahan cimata
juuh tiis
ngalembereh na pipi
sanajan geus
aya gantina: kolot ti bojo
tetep anjeun:
bapa jeung biyang mah teu aya gentosna
duh, biyang….
duh, bapa…
hapunten
kuring tacan tiasa mulang tarima
hapunten teu
tiasa nepangan runggunuk taneuh
nu kapungkur
dileuyeuk
disiram ku
citiis
diawuran
kembang eros beureum bodas
ditinggalkeun
na tungtung padung
astana
lembur
Nun Gusti
hapunteun dosa biyang-bapa kuring
mugi
ngahapunten sagala kalepatan ibadah tur hirupna
tampi amal
saena
Nun
Gusti….hapunten abdi sasadu ka Anjeun
sabab rek ka
saha deui, iwal Anjeun Pangeran sadaya alam
Pangeran nu ngahirupan, nu ngamaotan
Nu hirup tur
langgeng
Aamiin Ya Robbal 'alamiin
25 Ramadhan
1441 H