Urang teraskeun ngaji buku Asy-Syamail Muhammadiyyah. Ayeuna
nyarioskeun parobat perang. Nabi Muhammad saw gaduh pedang anu gagangna (perah)
dijieun tina perak. Malihan kantos gaduh anu perahna tina emas. Gaduh acuk
beusi sareng tutup mastaka anu diangge nalika perang Uhud.
Salajengna disebatkeun na riwayat Kangjeng Nabi ngangge sorban warna
hideung. Acuk sareng sinjangna anu kaenna heuras. Mun diangge bagean anu
sampeanna ngatung dugi bitis. Dina riwayat dicarioskeun Nabi henteu negeskeun
kedah ngatung, dugi nutupan mumuncangan oge teu sawios. Nabi oge ngagaduhan
kaen anu khusus keur ngelap kesang na mastaka.
Tah ayeuna ngeunaan cara leumpangna Nabi. 'Ali bin Abu Thalib ra
nyebatkeun nalika leumpang, Nabi sok tungkul mastakana sareng gancang. Sapertos
mudun tina tanjakan. Nabi mun calik sapertos nuju iftirasy, nyalikan sampeanna.
Sakapeung posisina bari nyarande kana tangkal korma atanapi kana angeul
(bantal) anu heuras.
Tah cekap sakitu heula. Insya Allah engke diteraskeun deui. Mugi
manfaat. Hatur nuhun. *** (ahmad sahidin)