Kangjeng
Nabi…
duh geuning
geus sarebu opat ratus taun
Salira
mulih ka jati mulang ka asal
Cacakan
kantun carita;kantun catetan sajarah
Salira
masih keneh seungit; teu aya bandingna
Salira
masih ngancik dina hate kuring jeung lembeina urang Islam
Salira
masih keneh jumeuneung dina sawala, dina cariosan ulama
Jungjunan…
Salira
janten tuladeun sadaya manusa
janten
conto keur nyukcruk galur
rawayan
ka Allah Robbul izzati
Jungjunan,
hapunten abdi tacan tiasa nulad
hapunten
abdi nu dolim
masih
keneh resep dudunya
masih
keneh patukangtonggong sareng piwejang
piwuruk
guru ngeunaan ageman Salira
Jungjunan,
hapunten abdi tacan pageuh nyepeng pusaka
henteu
acan nyaliara dina geutih tur daging
dina
letah, dina lambei, dina sakujur badan kuring
Kangjeng
Nabi…
hapunten
abdi kumawantun ngaku-ngaku umat Salira
ngaku
iman tur pasrah ka Salira;
ngaku
nuturkeun Ahlubaet Nabi
duh…
Kangjeng
Nabi
duh…
Ahlulbaet
Nabi
Jungjunan….
pamugi syafaatna ngajait abdi
teu
aya deui nu janten pamuntangan abdi
iwal
Kangjeng Nabi… Ahlulbaet Nabi
abdi
teu kiat mun janten ahli naraka
abdi
teu gaduh kasaean nu baris nganteurkeun ka sawarga
ngan
Kangjeng Nabi harepan abdi
ngan
Ahlulbaet Nabi nu janten pituduh abdi
nyorang
kabagjaan jeung kasalametan dina jalan Allah;
Kangjeng
Nabi…
ngan
shalawat jeung shalawat
eta nu
nembe tiasa; bari tacan nyaliara dina hate
karek
lambei jeung kalimah hungkul
heunteu
acan ngawujud atanapi ngajirim dina hirup tur hurip
Kangjeng
Nabi…
Dina
dintenan pupusna Salira teh hoyongna mah zaroh
ka
Madinah,
hoyong
ngusap pajaratan Salira
hoyong
cakeut jeung Salira
pamugi
dipasihan jalan ngadeuheus
Kangjeng
Nabi…
hapunten
abdi parantos kumawantun
hapunten
abdi nu henteu gaduh tatakrama
hapunten
abdi ngan ngaku-ngaku janten umat Salira
Jungjunan…
Pamugi
abdi sakulawargi
sareng
guru-guru abdi
kenging
syafaat ti Salira
kenging
hampura ti Allah Robbul izzati
Allahumma
shalli ala Muhammad wa aali Muhammad
Allahumma
shalli ala Muhammad wa aali Muhammad
Allahumma
shalli ala Muhammad wa aali Muhammad
Allahumma
innii as aluka waatawajjahu ilaika binabiyyika
Nabiyyirrahmah
Muhammadin shallallaahhu ‘alaihi waaalihi
Yaa
Abal Qasim…
Yaa
Aba Abdullah…
Yaa
Aba Ibrahim…
Yaa
Aba Fathimatu Zahra…
Yaa
Rasululillah
Yaa Imamur
Rohmah
Yaa Sayyidana
wa maulana
Inna
tawajahnaa was tasyfa’naa watawassalnaa bika ilallaah
Waqadam
naaka baina yadai haajaatinaa;
Yaa
wajiihan ‘indallah… isyfa’lanaa
‘indallaah…
Yaa
wajiihan ‘indallah… isyfa’lanaa
‘indallaah…
Yaa
wajiihan ‘indallah… isyfa’lanaa
‘indallaah…
Bandung:
28 Shafar 1433