PRAK ANJEUN BUBUKA
prak anjeun geura
bubuka
ngaguar Adam deleka
prak anjeun nangtung
kawas Nuh ngumbar
bagja
prak anjeun
ngulampreung kanyaho
kawas Musa ka Khidir
kawas Isa ngawulaan
kameumeut
prak tuturkeun
Kanjeung Muhammad
nu ngumbar sawarga
basa panon poe mulang
keur isuk
Rabiul Awwal 1426
NINEUNG
mun tepung jeung boboran shiam sok
ngarakacak cimata
pipi kuring baseuh disimbeuhan cimata
ninggal tatanggi mulih ka lembur menta
hampura ka kolotna
tur menta du`a keur ngalakonan hirup
saba`da shiam
pipi kuring baseuh disimbeuhan cimata
ngadangu rerencangan mulih ka lembur mere
kareseup kolot
ngabagjakeun nu dilemburna
asa nyeri… ieu hate sabab teu tiasa kawas
batur
clak… cimata ngalembereh maseuhan pipi
duh,
biyang….
duh, bapa…
sanajan lalaki kuring teu tiasa nahan
cimata
juuh tiis ngalembereh na pipi
sanajan geus aya gantina: kolot ti bojo
tetep anjeun: bapa jeung biyang mah teu
aya gentosna
duh,
biyang….
duh, bapa…
hapunten kuring tacan tiasa mulang tarima
hapunten teu tiasa nepangan runggunuk
taneuh
nu kapungkur dileuyeuk
disiram ku citiis
diawuran kembang eros beureum bodas
ditinggalkeun na tungtung padung
astana lembur
Nun Gusti hapunteun dosa biyang-bapa
kuring
mugi ngahapunten sagala kalepatan ibadah
tur hirupna
tampi amal saena
Nun Gusti….hapunten abdi sasadu ka Anjeun
sabab rek ka saha deui, iwal Anjeun nu
hiji-hiji Pangeran sadaya alam
Pangeran manusa, nu ngahirupan, nu
ngamaotan
Nu hirup tur langgeng
Allohummaghfirlahum warhamhum wa`fuanhum…
Allhomu sholli ala Muhammadin wa
aalihith-thohirin…
22 Ramadhan 1430 H