Di Garut lembur
simkuring, biasana ping 1 dugi 11 Rabiul Awwal biasana maos kitab
al-Barzanji sareng Maulid Diba. Unggal ba’da netepan magrib sasarengan jeung
barudak dugi ka isya. Teras enjingna disambung deui, nepi ka rengse dua kitab
eta diaos unggal ba’da maghrib.
Kiwari linggih di Bandung, hanteu mendakan anu maos Barzanji
atanapi Maulid Diba. Komo deui anu raeng maos pupujian. Ngan
anu sholawatan mah masih keneh kakuping raeng. Eta oge mun sabada maghrib
ngantos solat isya. Pupujian jeung zikir unggal subuh. Ngan teu rotin kakuping.
Eta oge anu maoskeunna kolot. Sora barudak mah tacan pati kadangu. Duka kuring
can kawenehan kitu. Ah, anu penting mah aya keneh anu maos sholawat bae.
Sanajan rorompok kuring caket
pasantren, tapi hanteu ka kuping aya anu maos Maulid Diba sareng Barzanji mah.
Ngan ari pupujian mah aya keneh. Masih keneh raeng barudak jeung kolot
ngahaleuang.
Bejana aya ormas Islam anu
ngaharamkeun maos kitab Barzanji sareng Maulid Diba, katut Pupujian ka Kangjeng
Nabi Muhammad saw. Kacida mun heueuh. Dina enyana oge teu nanaon. Nafsi-nafsi
bae. Amal kuring keur abdi, amal maranehna moal keur manehna. Ngan asa kumaha
kitu.
Sanajan aya anu nyaram, acara
Maulid Kangjeng Nabi Muhammmad saw mah teras bae aya dugi ayeuna. Kalebet
simkuring anu sok ngahajakeun ngaluuhan kana majelis Maulid Nabi anu diayakeun
di tempat kuring damel. Malihan pamarentah RI oge sok ngayakeun unggal taun.
Hayu ah urang ngamumule cinta urang ka Rasulallah, Nabi Allah,
Kangjeng Nabi Muhammad saw.
Assalaamu’alaika Ya..
Rasulullah;
Ya Imamurrohmah,
Ya Sayyidana wa Maulana….
Inna tawajjahnaa was tasy
fa’naa
Watawassalnaa bika ilallaah
Waqaddamnaaka baina yadai
haajaatinaa
Ya wajiihan ‘indallaah;
isyfa’lanaa ‘indallaah
(ahmad
sahidin/25-12-2015)