jalma nu teu percayaeun
ka agama ngabohongkeun?
ciri-wancina nu yakin
sok bengis ka budak yatim
jeung tega ka fakir miskin
tara pisan mere dahar
jeung ka batur embung nitah
ka nu miskin sing someah
estuna jalma cilaka
salat teu mikir eusina
jeung teu ngingetkeun hartina
estuna jalma cilaka
nu salat ngan ngarah puji
ari tutulung teu sudi
ka nu miskin goreng budi.
Eta rumpaka di luhur tarjamah surah Al-Ma`un kenging R.A.A.
Muharam Wiranatakusumah V, Bupati Bandung era 1920-1931 dan 1935-1945. Anjeuna
nyerat sababaraha tarjamah Alquran khas sastra Sunda. Ngeunaan tarjamah
Wiranatakusumah atos dibahas ku Dr Jajang A. Rohmana ti UIN Sunan Gunung Djati
Bandung. Malihan janten buku anu jejerna Terjemahan Puitis Al-Qur'an: Dangding dan Pupujian
Al-Qur'an di Jawa Barat medal taun
2019.